靜靜的欣賞記

信心強注劑!!!!!!!!!! 注射!!!!!!

Friday, July 14, 2006

graduation dinner

琴日係7月13日既謝師宴既日子~
起身又係去左飲茶~返到屋企大既係12點幾~
點知一返到屋企mum就開始準備緊拖地既事項~
真係覺得佢似玩野咁~佢明明知我琴日係grad din~
但係又要响琴日先至叫我拖地~
你知啦~拖地要拾既野係好多嫁~
屋企又多野喎~而我又未睇自己應該著咩衫去~
真係驚自己唔知幾時先出得門口呀~
本來諗住响果段時間去睇下襯咩衫好嫁嗎~
又係咁~又俾佢攪亂晒我既行程~~都唔知點解佢成日都係咁~
我plan好晒既野一件又一件又一件.........咁攪到窩晒~
好似成日都要同我作對咁~
諗住快手d拖完地就開始睇著咩衫好啦~點知一拖完~
都仲未放地d野~佢又叫"你洗埋個厕所先呀"~
係果一刻真係覺得自己好似灰姑娘~(當然我又無咁慘~只係劇情有d似)
好彩洗完都唔係好晏~但係我怕我做完之後我會好攰~
怕玩果時眼瞓~(呢個就係我不滿佢今日叫我做野既reason!!!!!)
做好左所有野~沖埋個涼(呢個time yupi有人打俾我~但估唔到既係mum竟然都叫我聽~)簡好左著咩衫~就又有電話打黎~(d時間真係用得好盡呀~無一刻停過~)
傾左陣電話~又傾左陣msn~時間勁充實~
本來我地諗住响po lam等埋一齊到調景會張文~
但張文打黎話已經响mtr等緊~yupi佢地又話未出得門口~
所以我就決定去左同張文會合~唔想佢等咁耐~(yupi佢地成日都遲到~真係唔應該呀!)咁我就好快咁換衫拾野去會張文~原來佢都有賴生陪緊~都好d~~
我地响mtr等到4點45分到佢地先到~之後就一齊坐mtr到尖咀G出口~
去到會場見到FAYE就諗住即刻同佢影返張相先~但點知佢又唔影喎~
張文响mtr不停話想打耐d麻雀~而我又唔知點解唔係咁想打喎~
所以我就話同張文夾份~睇佢玩啦~我地輸左$2~不過都食過七翻糊~
玩完之後終於同阿faye影左張相~haha~我等左好耐嫁啦~終於影左~yeah!!
食飯時既節目有小花同jacqueline佢地响度玩"對"紅豆沙~好好笑~
仲有就係班際既game~嘩~一個人要食3啖食2隻定3隻熟egg~(對我黎講一隻都飽死)之後第2個人就要食生果盤~(又係巨人份量~佢地食得晒真係勁~haha~不過劉sir收埋唔少既提子~好奸呀~)第3個人就要收集某d野~第4個就要鬥快飲一罐汔水~之後好似仲有夾波子,打電話等等~
不過我覺得最精彩既就係阿faye同張文佢地玩~輸左要飲一罐啤酒~
佢地真係女中豪傑呀~佩服佩服~我呢d唔識飲酒既人就緊係唔同佢地玩嫁啦~
但係點知我只係幫佢地拾起跌左响地既卡時~佢地見到失張卡係A時個個都咁大反應~我幾驚呀~咁就當我玩埋一份就死囉~hehe~不過好彩仲有人隻牌細過我~~
真係好彩呀~haha~玩完之後就諗住去行星光大道~點知個個都向住mtr既方向得喎~得jacqueline陪我行~攪到好怪咁~
星光大道都唔光既~去到咁黑~連地上d人名都差d睇唔呀~
行行下有個賣花既人過黎~估唔到佢真係買喎~都唔知可以俾咩反應佢好~(果時仲要諗緊去唱k好定係揾張文玩麻雀好~)
我其實都愛收花~但係收左我又唔可以攞返屋企~覺得有d晒~
之後我決定左去唱k~坐1A去KT既APM唱~去到果度佢地個個都响機鋪喎~
攪到我又要入機鋪~入到去真係有D怪怪地既feel~
之後我地終於都入左去唱k~仲咁啱撞到阿faye添~hehe~
除左阿faye之外仲有劉sir佢地都响度~真係啱呀~
玩到5點幾就走~撘93k返家~响車到仲見到日出~(其實係出左一段時間既太陽)真係幾靚靚~
枝花放左响雪櫃度過左一night都謝lu~(我地都向雪櫃度過左一night)它到最後都係要被遺棄~
返到屋企換完衫就sleep著左lu~sleep到2點左右俾個電話響醒左~
今次都係我第一次玩通霄~都係第一次通霄無sleep~第一次收花~
第二次飲酒~haha~不過都係飲一啖~感覺都係一樣~~苦~~~

Tuesday, July 11, 2006

Ocean park~

琴日終於都去左ocean park啦~haha~好好好好好好好開心呀!!!!!!勁開心!!!!!very happy!!!!
玩左唔少既機動遊戲~可惜都係未玩晒~
逹成唔到我既願望~~其實我真係好想玩晒全部game嫁~
不過都係算啦~我知總有機會可以一日內玩晒內裏面既機動game~
今次既ocean park真係唔係咁如意~
因為本來約埋ting佢同佢班fd一齊玩~
點知到我琴日打俾佢~都仲未起身~我就知有唔妥~
唉~原來佢記錯左日期~以為我話11/7去呀~
真係好想同佢一齊玩呀!!!!!!!!
早知就打俾佢確認下先啦~不過已經太遲啦~嗚~嗚~
不過今日都唔係得我一個女仔~仲有我個fd mandy同佢個fd芷筠2個女仔~
但係佢地又唔玩機動game~只係陪左我玩一個海盜船~
其他既都係jacqueline,tat,小龍,pang程同佢個姓鄧既fd一齊玩~
其實琴日我係8點25分就到左mtr~都唔知點解mandy要話我遲到~唉~~俾人屈~成日都係咁~成日都俾人屈~真係好唔惦呀~
咩都關我事?!?!?!~~~~~~我車!!!!!被人屈到真係唔多想講野~個個都屈我既~
但係最衰既就係d人竟然信囉~~<<不屑置辯>>!!!!!!!哼~~
早上9點9就到左ocean park既大門~本來係無rain嫁~點知到就黎開門果時先至黎rain喎~個天真係.......
因我唔想bring傘~出門時又啱啱無rain~因完左~keke~
但係點知到可以入閘時個天就落傾盤大雨~
我條綠色褲濕晒~對鞋都可以倒到水出黎~
不過好彩只係响早上落雨~(真係俾我講中左~~haha~真係勁呀我~)
到晏d就熱到爆~所以褲都乾返晒~不過對鞋就...勁唔舒服~
琴日玩呢個滑浪fly船小龍,tat佢地濕得好勁呀~
haha~但係我就好乾啦~
hehe~~因為我醒~所以就唔濕啦~yeah!!!!
除左玩之外仲有去see水母同安安,佳佳同海洋劇場等等~
走時响ocean park反而無影相~竟然係金鍾果到話要影相喎~
芷筠同阿豆2個人影~佢地影完之後就俾人趕~(阿豆份人真係好似...我真係唔係咁like佢呢類型既人啦...)
之後mandy同芷筠都要走~
我就同佢地食埋野先~去左銅鑼bay到食意粉屋~原來呢間野都幾貴嫁喎~
真係未試過都唔知呀~
食完就走~
jacqueline食完走時話肚餓~但過一陣又話好飽~都唔知佢係唔係嫁~
撘mtr時佢地話去食糖水~點知個個上車都sleep~so無去到~返屋企~
但係當我到左寶琳時响新都行左一陣~我竟然喉嚨痛~仲好口渴添~
咁見人話肚餓就去食糖水~我諗住糖水可以令我無咁口渴~點知食完仲口渴~
算~~都係返屋企飲水算~返到去勁攰~沖完涼吹完頭諗住sleep~
但係阿哥話有個叫"何小婷"既人揾我~叫我打返俾佢~
我都唔識呢個人既~我睇返來電時先知原來係ting~
打完俾佢我真係攰到死呀~一上床就瞓著左~好耐都未試過~
仲要sleep到12點先起身~真係勁~
可以琴日無食lunch~又行左成日~都無咩點坐過~
攪到我都無力行路~攰到腳都軟埋~行得勁slowly~

琴日mandy真係好活躍~佢係活躍於做媒人~
玩撮合人~但係我覺得都係唔好胡亂撮合人好d~
唉~~睇黎我有排俾佢串我~
見芷筠俾佢串"半個月"都串得咁勁~我都鄧佢慘呀~
不過睇黎我都有同一命運~~~~都係少d同佢出街先得~haha~