~~返左學做數~~

隻手無咩事lu~不過好以唔多用到力咁~

今日返左學做數~又可以同阿faye返學同傾計啦~真係好~
(响屋企唔知點解好似唔會想講野咁~)
做完數後發覺中六哥哥菜菜子借俾我既收音機既一邊耳筒無聲喎~
(本來係我借既~但係咁啱faye既收音機又breaken~
而牛羊之前又啱啱買左部俾我~所以我就攞菜菜子果部俾佢啦)
hehe~我上年都係問佢借~真係唔該晒呀!
但係我無諗到既問題係原來佢都要考多次B卷~
結果我同faye就攞住部機去5樓揾菜菜~
haha~~好低b呀我地~响果度等左5mins打lunch鐘~
點知先發現佢地果班無人喎~~~hahahahaha!!!!!
好彩之後都俾我地揾到佢~佢就話借呢部俾我地~
佢就問人地借~~(忽然覺得佢好好人添)
之後我地就約埋yupi一齊去食小金井~
去到好多人~有d驚無位~
諗住走既時候果度d人就話有位~
上次faye叫既鰻魚拉noodle勁耐先黎~
今次佢既炸虾又係最遲先到~真係唔好彩!!
我上次仲可以食得晒成個飯嫁~但係今次食左半碗就好飽啦~
可能天氣一hot就無胃口啩~
食完飯之後faye就返學~而我同yupi就行左陣同傾左好多計~
好似講左好多野咁~因行左新都都幾個圈~
講左好多我地既心事~(我好少會同人講既事~亦唔係咁敢同人講既事!!)
真係好呀~同佢一齊既時候真係幾好~
唔會就住就咁講~~個feel好舒服~
好似係識左好耐既老友咁呀!!!
有佢呢個知心既friend真係好開心呀!!

happy!

近排好開心~
4/4日呢日我終於收到牛羊既禮物~(收音機-等左半年多啦~~)
又同yupi影左好多相~同埋同faye一齊食左個飯團早餐(之前講好要食~)
5/4呢日又同yupi,牛羊,駱嘉慧,jacqueline同小龍去左西九龍中心溜冰~
我地全部都未試過溜冰嫁(牛羊除外)~~
佢地2個男仔真係勁~話未溜過~但係又好似一早就識咁~
都唔知係咪真既?
我第一次溜冰撻左2次呀~
第一次撻得勁甘!!!!
我諗係左邊落地先~琴日落地果下手板痛~返到家沖完涼之後就手腕痛~唔多陏到咁!!
而家都有d痛~但係無琴日咁痛~~~hehe~~仲有左邊既moon都痛呀~~haha~
第二次撻落地就係右邊~因我條褲既右邊濕左~不過無撻傷到~
(有個"小朋友"話唔會俾我跌嫁~點知都唔係既!!~騙子!!!)
等溜冰時小龍仲撩鬼妹添呀~攪到個鬼妹勁驚~佢問我地怕羞既英文~
我話shy~佢就真係就咁講一個字"shy"~~haha~傻佬!!
係叫人"don't be shy"呀~
之後張文,賴生同tat都黎埋~4點到就攞左位~(壽司-名將)
其實我果時真係唔覺得餓~好想玩耐d~因開始溜到冰咁~
但係可惜......唔知如果下次再去溜冰既話會唔會又要重新學過呢?
响果度(名將)做野既人既都幾串~
我地仲玩包剪~輸左既就要食有芥末既sushi~
我都輸左一次~haha~~不過我唔洗食~真係好呀~因為有位"小朋友"幫我食!
食壽司時yupi同小龍一齊坐~佢地真係好夾囉~
一個like坐响度玩jump彈床~另一個就like un腳~
而我就只好坐近牛羊果邊~先唔洗俾佢地既震功震到!!
食完壽司就去玩旋轉木馬~海盜船~同影貼紙相~
就咁就已經9點幾啦喎~真係過得勁快呀!
影貼紙相時真係勁hot呀!!
到走時yupi又話唔知撘咩車返去好~(15/16~)
因佢想快d返家睇tv~
結果我幫佢做左決定~小龍一定要撘mtr~同埋因我同佢都會暈車浪~
所以我幫佢簡mtr~hehe~~
呢個小龍又唔送人返家~so bad!!自私鬼~~
要我同jacqueline送yupi返家~~
yupi佢行得勁急~响呢個咁hot既天時其實我真係唔想行得咁急~
不過見佢咁想趕返家睇tv~就算啦~就下佢~
不過行到我地勁熱~出晒汗呀~(但係yupi竟然仲著住件外套~俾我就一定頂唔順~一定會除)
講開除衫~小龍佢....hahaha~~
送完yupi上樓~jacqueline就送我返家~
佢話想買野飲~又話想食野~但係去到"ok"又話唔知飲咩~
去到百佳又無買到野食~到邨口有野食又無買到~
都傻既~肚餓又唔買野食~

finally day__(~.~)__

今日係最後正式上課既返學日子~
我真係覺得有d唔捨得呀!!
上年既感覺反而無今年咁強添呀~
可能今年開心過上年吧~
同埋又識到好多好好既朋友仔~
真係好開心呀!!!!
以前既我一提到返學~(唔包括補課呀)
就一定唔想返~見遲左dd起身~
知道可能可以趕到返去~但係我都會寧願叫mum打返school話我唔返~
但係今年就唔同了~
遲左起身都會盡力趕返校~(不過知道趕唔到返去既話都係唔返嫁~~haha~~)
而家對返學竟然没有抗拒既感覺~
呢種feel都响我小學5年級時出現過~
果時都幾like返學~因為返到去玩得勁開心~都無人理既~
而家可能又因為同d老師幾熟~同佢地有講有笑~
d同學仔又成日都做埋d惹人笑既事~又有好多好好既朋友响度~~
日日都過得好快~好開心~~真係有d唔捨得!!
仲有唔少得既就係今年既班主任~
佢對d學生真係好好呀!!!(不過佢既語氣就要改善下啦~)

tired

琴日2點幾先瞓~
攪到今日又好攰啦~
無温到書~
只係响屋企聽歌~